الفرق بين ميزان المراجعة بالارصدة والمجاميع

[فداءءء]

الفرق بين

قائمة الارصدة والمجاميع

مين بعرف؟

احكولي مش عارفة اميز بنيهم؟

[Abu Samra]

السلام عليكم ورحمة الله وبركاته

السؤال سهل لكن ناسيه 100%
إن ما خانتني ذاكرتي هو كالتالي :-

صح في دفتر يومية ... بنرحل لدفتر الاستاذ ... وبعدين للميزن بالارصده او المجاميع

الارصده يكون فقط الارصدة المدورة ( في دفتر الاستاذ بنحط الرصيد المدور .. هذا فقط ينقل بميزان الارصده )
اما المجاميع فيتم نقل مجموع المدين والدائن من دفتر الاستاذ ...


توضيح أكثر
في دفتر الاستاذ بيكون في مدين ودائن .. بالنهاية بنحط الرصيد المدور على جانب المدين او الدائن ... يتم نقل هذا الرصيد على ميزان المراجعة بالارصده .... اما بميزان المجاميع يتم نقل الجانبين من دفتر الاستاذ ( المدين والدائن ) ...


إن شاء الله وصلت الفكره
إن ما وصلت راح احاول اوضحلك اكثر

:)

[ياسمين داوود]

هسا ميزان المراجعة بالارصدة بكون عبارة عن قائمة بالارصدة المدينة والدائنة لكل حساب من الحسابات الموجودة في دفتر الاستاذ

يعني منرصد الحساب وهوي ايجاد الفرق بين الجانبين والذي يسمى ب الرصيد المدور متل ما حكى ابو سمرة هاد اللي منرحلو على ميزان المراجعة بالارصدة


اما ميزان المراجعة بالمجاميع هوي عبارة عن قائمة بمجموع المبالغ الدائنة والمدينة المرحلة الى كل حساب من الحسابات الموجودة في دفتر الاستاذ ثم المجموع الكلي للجانب الدائن والمدين

يعني قبل ما نطلع الجواب تبع الترصيد طبعا احنا منكون عاملين مجموع الجانب المدين ومجموع الجانب الدائن هسا المجموع اللي بطلع بالجانب المدين يرحل الى الجانب المدين بميزان المراجعة بالمجاميع مقابل الحساب اللي لالو

مثال :::على ميزان المراجعة بالمجاميع

النقدية بعد ما حسبنا الجانب المدين طلع 2000 والدائن 1000
منروح على ميزان المراجعة ومنكتب بجانب خانة النقدية بميزان المراجعة


الارصدة المدينةالارصدة الدائنةاسم الحساب20001000النقدية

وبميزان المراجعة بالمجاميع بعد ما نجمع الجانبين لكل الحسابات الموجودة لازم الارصدة المدينة تكون بتساوي الدائنة

مثال ::: على ميزان المراجعة بالارصدة

النقدية جانبها المدين يساوي 2000 والدائن 1000
هسا منرصد بطلع عنا 1000 مدين منروح على ميزان المراجعة ومنكتب هيك




الارصدة المدينةالارصدة الدائنةاسم الحساب1000_____النقدية


بالتوفيق

:)