بسم الله الرحمن الرحيم


السلام عليكم ورحمة الله وبركاته


أعزاءنا الطلبة على أبواب التخرج والذين تخرجوا أيضاً


أسعد الله أوقاتكم بكل خير :)


اسمحوا لي أعزائي أن أطلب من كل عزيز منكم أن يتكرّم على أخوته الطلبة


بطرح بحث (مشروع) تخرجه الخاص به في مجال تخصصه هنا في المنتدى


وخاصة أولئك الذين حصلوا فيه على علامة مميزة أو جيدة


ليتسنى للطبة الحائرين المحتاجين للمساعدة الاطلاع عليها والاستفادة منها إن أمكن


فهذه ستكون صدقة جارية لكم أعزاءنا، تُسهمون من خلالها في إعطاء الطالب


الباحث عن عناوين وأبحاث تخرج معينة بإلقاء نظرة على بحوث


تخرجكم الخاصة والاستفادة منها وأخذ فكرة قد تعينه


في الاهتداء إلى كتابة بحثه الذي قد


يكون عانى الكثير من أجله


وعليه فإننا كلنا أمل بأن نلقى منكم كل الدعم والتعاون بهذا الخصوص


ولا تنسى أخي الخريج الكريم أنكَ عانيتَ كثيراً من أجل بحث


تخرجك فلا تبخل على أخيك الطالب في تقديم المعونة له


في هذا المجال وسيكون لكَ جزيل الأجر


والثواب إن شاء الله


مع أمنياتنا لكم بالتوفيق والنجاح :)

فكرة جيده ومفيده
وانا ان شاء الله ساشارك بالبحث الذي قدمته في الجامعه ان شاء الله لكي يستفيد منه اخواني واخواتي الطلبه

ارجو مساعدتي بارسال قواعد اللغة الانجليزية1+الاحصاء واعتذر عن الانقطاع بسبب وفاة الوالد


اشكركم على متابعة شئون الطلبة

والله ما ينعز
مش مبين متى نتخرج

كان في ودي واملي اضيف هيك مشروع

ارجو مساعدتي بارسال قواعد اللغة الانجليزية1+الاحصاء واعتذر عن الانقطاع بسبب وفاة الوالد


اشكركم على متابعة شئون الطلبة







السلام عليكم ورحمة الله وبركاته


أخي ahmedali عظم الله أجركم وإن شاء الله آخر الأحزان


فيك تستفيد من هادا الرابط وان شاء الله بتلاقي طلبك عليه


http://www.stqou.com/vb/showthread.php?t=20512


موفق أخي :)

السلام عليكم ورحمة الله وبركاته



والله ما ينعز
مش مبين متى نتخرج

كان في ودي واملي اضيف هيك مشروع




ان شاء الله بتتخرج عن قريب يا أخ حلمي


بس متى ما اتخرجت لا تبخل علينا بمشروعك التخرج


تحياتنا إلك ويسعد مساك :)

سأقوم إن شاء الله بنشر بحث التخرج بعد تخرجي العام القادم

السلام عليكم ورحمة الله وبركاته


سأقوم إن شاء الله بنشر بحث التخرج بعد تخرجي العام القادم



يا ميت هلا فيكِ عاشقة الحرية


وإن شاء الله بتتخرجي وبنشوف مشروعك معنا هون


وبيكون مشروع متميز ... بدنا إبداع يالله شدي حيلك يا عزيزتي


يسعد أوقاتك وبنبقى في الانتظار :)

انا ما كنت موفقة كتير بمشروع تخرجي
يعني ما كان مميز
وبالتوفيق للي بدهم يتخرجوا

فكرة حلوة كثير وان شاء الله الكل يستفيد

انا شخصيا تخرجت من جامعة القدس المفتوحة تخصص لغة انجليزية وجبت في مشروعي 88 ترتيبي كان التاني ومشروعي التخرج كان عن cohesive devices بس مش عاارف كيف بقدر اساعدكم انتو احولي كيف بامكاني اقدم المساعدة وانا ما راح اقصر معكم وشكرا

السلام عليكم ورحمة الله وبركاته


انا شخصيا تخرجت من جامعة القدس المفتوحة تخصص لغة انجليزية وجبت في مشروعي 88 ترتيبي كان التاني ومشروعي التخرج كان عن cohesive devices بس مش عاارف كيف بقدر اساعدكم انتو احولي كيف بامكاني اقدم المساعدة وانا ما راح اقصر معكم وشكرا




ما شاء الله أخي معتصم ... مبارك بقدمها مني إلك على تميزك أكيد


بس أكيد إنت كنت بفرع يطا لأني ما بعرفك في فرعنا في الخليل


مو مشكلة ... المهم بتقدر إنك اتجيب مشروعك إزا كان موجود على CD أو Disk واتنزلوا هون بالمنتدى


بتقوم بعمل موضوع جديد ثم إرفاق ملف في المشاركة وبترفع المشروع من جهازك على المنتدى


هون وبهيك بيصير مشروعك عندنا ... إزا ما وضحتلك الصورة ابعتلنا استفسارك وأكيد بنوضحلك بالصور


يسعد مساك أخي معتصم ويا هلا فيك ... اتشرفنا بحضورك معنا

موضوع جميل وممتاز بس كيف يمكن أنو نرفق البحث
أنا ما بعرف
:28:

السلام عليكم ورحمة الله وبركاته


موضوع جميل وممتاز بس كيف يمكن أنو نرفق البحث
أنا ما بعرف
:28:



أهلين هبوشة المنكوشة ههههه


عادي بتنزليه بالمنتدى ... بتروحي بتعملي موضوع جديد من هون من نفس هادا القسم


وعندك إشي اسمو أرفق ملف في المشاركة ... بتضغطي عليه وبينقلك لصفحة


اجديدة فيها كلمة Browse يعني استعراض ...بتضغطي عليها


ورح تطلعلك نافذة لحتى تبحثي على جهازك وين امخزنة مشروعك سواء بالمستندات


أو ع سطح المكتب مثلاً ... وبتضغطي على مشروعك ورح تلاحظي إنو


إجاكي امتداد مشروعك بالمستطيل اللي جنب كلمة Browse وبعديها


بتضغطي على زر رفع وبتستني شوي ... ولما ينتهي التحميل ... بتحطي غلق هذه النافذة


وبترجعي للموضوع اللي كنتي تكتبي فيه وبتحكي اللي بدك تحكيه عن مشروعك وشو اسمو


وبعد هيك بتضغطي على زر اعتمد الموضوع الجديد وبهيك بيصير عندنا مشروعك التخرج


وإزا لساتك مش فاهمة ... لما تقرري تنزلي مشروعك قوليلي وأنا بنزللك إياه


بالمتابعة معك خطوة بخطوة ... أوكيه !!


ويسعد مساكِ يا أزكى هبوشة ... اسمك غريب بس شو معناه هههههه !!

السلام عليكم ورحمة الله وبركاته
الفكره حلوه كتير وتشكروا عليها
مشروعي كان عن الرومانسيه في أدب مصطفى لطفي المنفلوطي ومعدلي فيه كان جيد جدا
ولكن المشكله انني تخرجت من 8 سنوات ولا أملك سي دي للمشروع ولا حتى مخزنته عندي على الجهاز

السلام عليكم ورحمة الله وبركاته



السلام عليكم ورحمة الله وبركاته
الفكره حلوه كتير وتشكروا عليها
مشروعي كان عن الرومانسيه في أدب مصطفى لطفي المنفلوطي ومعدلي فيه كان جيد جدا
ولكن المشكله انني تخرجت من 8 سنوات ولا أملك سي دي للمشروع ولا حتى مخزنته عندي على الجهاز



أهلين فيكِ عزيزتي هالة المجد


معلش إزا ما عندك نسخة إلكترونية لمشروعك ... بس إزا عندك المشروع على الورق


بتقدري تدخليه على السكنر واتنزليه هون بالمنتدى بالمرفقات خاصة إزا كانت صفحاتو قليلة


يعني لعند 30 صفحة ممكن اطولي بالك واتدخليهم على السكنر وربنا بيجازيكِ الخير ان شالله


وإزا ما فيه إمكانية فلا حول ولا قوة إلا بالله ويكفيكِ أجر نية الاستعداد لإرفاقو لو كان عندك


إلو CD ... موفقة حبيبتي ويا هلا فيكِ وإزا قدرتي تعملي إشي بنكون شاكرين إلك كتير


يسعد أوقاتك وأطيب المنى

الفكرة جيدة يا مايا

بس مشروعي التخرج ما عندي نسخة عنه
محذوف عن جهازي للأسف

السلام عليكم ورحمة الله وبركاته


الفكرة جيدة يا مايا

بس مشروعي التخرج ما عندي نسخة عنه
محذوف عن جهازي للأسف




يسلمو عزيزتي شهيدة فلسطين


بتقدري إزا عندك المشروع على ورق وعدد صفحاتو قليلة


اتدخليه على سكنر إزا متوفر عندك أو عند حدا بيقربك وترفقيه هون بالمنتدى


المهم ما تروحي لمركز وتدفعي فلوس لحتى تدخليه على السكنر ... يعني إزا توفرلك السكنر مجاناً


وقدرتي اتدخليه بنكون ممنونينك يا عزيزتي شهيدة


وموفقة حبيبة قلبي الله يسعدك مقدماً

انا خريج كلية ادارة الاعمال ومشروعي بعنوان
ادارة البنوك الاسلامية بين الواقع والطموحات

السلام عليكم ورحمة الله وبركاته

طيب يا بلار ارفقلنا اياه هون إزا فيك ترفقو .. خلي الشباب والصبايا يستفيدوا منو :)

بانتظارك لترفقلنا اياه ... فلا تتأخر علينا ... هينا قاعدينلك عالدرج :)

السلام عليكم ورحمة الله وبركاته وكل عام وانتم بالف الف خير ان شاء الله
بالنسبة لمشروع تخرجي انا انتهيت منو الفصل الماضي " الثاني "
وحصلت على علامة ممتازة وبالنسبة لمشروعي كان عنوانو
" الرضا الوظيفي في القطاعات المصرفية " علما بانو تخصصي
هو ادارة الاعمال وان شاء الله قريبا بدي رفعو عالمنتدى
واتمنى للجميع التفوق والتوفيق من الله واقبلوا تحياتي:29::29:

شـكــ وبارك الله فيك ـــرا لك ... لك مني أجمل تحية . :29::29::29:

السلام عليكم ورحمة الله وبركاته



السلام عليكم ورحمة الله وبركاته وكل عام وانتم بالف الف خير ان شاء الله
بالنسبة لمشروع تخرجي انا انتهيت منو الفصل الماضي " الثاني "
وحصلت على علامة ممتازة وبالنسبة لمشروعي كان عنوانو
" الرضا الوظيفي في القطاعات المصرفية " علما بانو تخصصي
هو ادارة الاعمال وان شاء الله قريبا بدي رفعو عالمنتدى
واتمنى للجميع التفوق والتوفيق من الله واقبلوا تحياتي:29::29:





وعليكم السلام ورحمة الله وبركاته


أهلاً فيك أخي الفنان بلال وبمشاركتك الرقيقة ... ومبارك إلك التميز :)


ورح نبقى بانتظارك لحتى ترفقلنا مشروعك هون بإزن الله


بس لا تتأخر علينا وإزا واجهتك مشاكل في الرفع حطلنا استفسار هون ورح نساعدك


بإزن الله ... وإلك منا كل التحية على مبادرتك اللطيفة

السلام عليكم ورحمة الله وبركاته ،
أنا بعدني ما عملت المشروع الفصل هذا سجلت المشروع،
انشاالله بعد ما يجهز وأتخرج على خير ما رح أبخل عليكم
:29::29::29:

اختي مايا،نور الهدى انا طالبة جديدة وما بعرف اشي شكرا

السلام عليكم ورحمة الله وبركاته


بانتظارك أختي العزيزة نور الهدى وان شالله بينولك الأجر مرتين


أجر النية انك ترفقيلنا مشروعك وأجر لما ترفقيلنا اياه فعلاً


أختي العزيزة سماح عابد ... الجديد مسيرو يصير قديم :p وبنبقى بانتظار مشروعك


لما تيجي تتخرجي ع خير وسلامة ان شالله


موفقين جميعاً ويا هلا فيكم

اولا بوجه احلى تحية الك مايا او بقلك انو كان بودي اتخرج البارحة قبل اليوم بس ما بقدر لاني لسة سنة تانيةشـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته


العفو أخي محمد ... وأكيد أنا بشكرك كتير عالمرور اللطيف


وان شالله بتتخرج وبترتاح عن قريب وبنشوف مشروعك التخرج هون


بهالمنتدى ويكون مميز كمان ... ومن سار على الدرب وصل


أطيب المنى ويا هلا فيك


:)

السلام عليكم ورحمة الله و بركاته
اختي العزيزه مايا اخبرك في البدايه اني عضوة جديده وما زلت لا استطيع ان افهم كيفية التعامل مع المنتدى كثيرا وبحب احكيلك انو انا خريجه من سنتين ونصف واول مره بتعرف على موقعكم وانشاء الله رح اساعد اخواتي الخريجات في مجال البحث بالمناسبه ان خريجة بكالوريوس تربيه اسلاميه وببحث عن عمل .

انا مشروعى التخرج عن ظاهرة الزواج المبكر فى المجتمع الفلسطينى
والله ما انا عارف ايش اعمل الحقونى راح نص الفصل وانا لسة مش مخلص الفصل الاول من البحث ايش اعمل
اذا عندكو عن هذا المشروع لو الفصل الاول

السلام عليكم ورحمه اللــــــــــــــــــــــه وبركاته
سلاماتي للجميع اولا ..ثانيا بحب اقول انو التعاون شي حلو واساسي حتي نكون يدا واحده في حل مشاكلنا وحتى تكون بسمتنا واحده ...ولكـــــــــــــــــــــــــــن الي بحب اقولوا بعد ان شا الله امانيه للجميع بتوفيق وتخرج من الجامعه ...انو اي حد كان عليه مشروع تخرج وما سيطر عليه بسب ضيق الوقت انو يعمل جهده انو يعملوا بنفسه وقدرته حتى يكون صاحبا لهذا المشروع وليس منقلا له ..ولاكن هنا يصح ان يستعين ببعض المساعدات الاصدقائيه ولاكن ليس متل ما قريت الموضوع كامل...وكما قال الله تعالي(اعملو فسيري الله عملكم ورسوله والمؤمنين ) صدق الله العظيم اتمني من كل طالب ان يقوم بانهاء مشروعه بنفسه حتى يكون له القدره على البناء والعطاء ...مع احترامي

انا مشروعى التخرج عن ظاهرة الزواج المبكر فى المجتمع الفلسطينى
والله ما انا عارف ايش اعمل الحقونى راح نص الفصل وانا لسة مش مخلص الفصل الاول من البحث ايش اعمل
اذا عندكو عن هذا المشروع لو الفصل الاول

مساء الخير

في معلومات قليله على الرابط التالي وهي من مؤتمر عقد بجامعة النجاح

http://www.yasaloonak.net/articles/zawag.asp


بتمنى يفيدك

واذا لقيت شيء جديد راح ضيفو

السلام عليكم ورحمة الله وبركاته

حياكم الله ويسلمو ع الكلام الحلو

:)

مش اختار اول بعدين بشاركم فيه ما رح ابخل عليكم

ساااااااااااااااااااااااااعدوني
انا خريجه هاد الفصل وبدي مشروع تخرج
لتخصص التربيه الابتدائيه وياريت يكون حلو
ومميز

اول شي اشكرك اخي الكريم على الطرح الرائع والجميل لمشاريع التخرج

اتمنى للكل النجاح والتوفيق

في موضوع عندي بس يمكن ما يعجبك

صعوبات التعلم

اثر خروحج المراه العامله وتاثيره على اطفالها

التوحد والانعزال

هاد الي بقدر اقدمو

من عيوني اطلبي انتي

مببروم تخرج

السلام عليكم سا عدوني انا خريجه الفصل هذا ومشروعي الله يعيني عليه
عن صورة القدس في منهج التربية الاسلامية للصف السادس الابتدائي
واذا اي حد عنده معلومات ولو قليله يفيدني الله يخليكوا

والسلام عليكم

بنسبه الي اول متم عمليه مناقشه بحث التخرج
الي اعملته حنزلو علي المنتدي
علشان تستفيدو منه انشالله بكون مفيد

انا اتخرجت قبل سنة تقريبا وعنوان مشروعي (المشكلات التكيفية لدى طلبة المرحلة الثانوية في قرية فقوعة من وجهة نظر الطلبة أنفسهم) جبت فيه علامة 83 ترتيبي الثاني في الشعبة.. بس للحق اني هلكت فيه بس مش خسارة فيكم راح ارفعو للموقع غدا وبتمنى الكل يستفيد..

انا توفقت بمشروعي ورح حاول ابعثلكم اياه بلكن استفدتم منو انشا الله بس انشا الله اعرف انزللكم اياه على الموقع كان مشروعي مع الاستا عبد القادر الدراويش بيحكي عن الارقام العمومية ووزارة المواصلات وجبت في 82 يا رب تستفيدو

السلام عليكم ورحمة الله

أخي nostalgia وأختي حافية القدمين .. ميت هلا فيكم وبانتظار مشاركاتكم ومشاريعكم

وإذا واجهتكم أية مشاكل بالرفع بس ابعتولنا مسج خاصة طلب مساعدة وإحنا بنوضحلكم الآلية

بإذن الله .. بس لا تبخلوا علينا فيهم ... ونبقى منتظرينكم بكل فخر

أطيب المنى للجميع

السلام عليكم ورحمة الله

أخي nostalgia وأختي حافية القدمين .. ميت هلا فيكم وبانتظار مشاركاتكم ومشاريعكم

وإذا واجهتكم أية مشاكل بالرفع بس ابعتولنا مسج خاصة طلب مساعدة وإحنا بنوضحلكم الآلية

بإذن الله .. بس لا تبخلوا علينا فيهم ... ونبقى منتظرينكم بكل فخر

أطيب المنى للجميع




تشكراتي مايا وانا فمت برفع المشروع واللي بيحب يطلع عليه يدخل على الرابط التالي
http://www.stqou.com/vb/showthread.php?t=43577

وبالتوفيق للجميع

وين بدي اوضعو انا حصلت على علامه 8 8 في مشروع التحرج وكان بعنوان دراسه تحليليه نقديه لروايه لمحه حزن للكاتبه الناشئه شذى يونس

وين بدي اوضعو انا حصلت على علامه 8 8 في مشروع التحرج وكان بعنوان دراسه تحليليه نقديه لروايه لمحه حزن للكاتبه الناشئه شذى يونس


---------------------------------------------------



السلام عليكم ورحمة الله وبركاته

أهلين فيك أخي الكريم رائد العلم ... بنتشرف بانضمامك إلنا وبمشاركتك الفاعلة معنا

بخصوص سؤالك: وين ترفعو؟؟ ارفعو على هادا الرابط ... يعني نزلو مباشرة بقسم مشاريع التخرج


http://www.stqou.com/vb/forumdisplay.php?f=96


والطلاب أكيد بحاجة هيك مشروع تخرج وإنت كمان أكيد حابب تشاركهم فيه

وإزا ما بتعرف كيف ترفعو وتحطو بالمنتدى .. يا ريت تخبرنا لحتى نساعدك ونقولك الطريقة

بالتوفيق أخي رائد العلم وربنا يجزيك الخير سلفاً ...

وصلى الله على نبينا محمد

في الحقيقة بحثت عن الاسطوانة في البيت لم اجدها ولكنها موجودة في منطقة غزة التعليمية , ساحاول الحصول على نسخة وتنزيلها ( البحث بعنوان : عوامل سقوط مدينة القدس عام 1967 )

ملاحظة : علامة المشروع 88% .

في الحقيقة بحثت عن الاسطوانة في البيت لم اجدها ولكنها موجودة في منطقة غزة التعليمية , ساحاول الحصول على نسخة وتنزيلها ( البحث بعنوان : عوامل سقوط مدينة القدس عام 1967 )

ملاحظة : علامة المشروع 88% .






وعليكم السلام ورحمة الله وبركاته

ونحن في انتظار مشروعك أخي الكريم علاء

جزاكَ الله خيراً سلفاً ..

وصلى الله على سيدنا محمد

يعنى لحتى الان ما شفنا ولا واحد نزل مشروعه ولا شفنا اى مشروع تخرج .... كلو كلام فى كلام وشكرا وانا ناوى انزل مشروعى وانا حصلت على امتياز بالمشروع وانا ......
بدنا نشوف المشاريع نازلة ترفرف هنا ... ازهقنا حكى وكلام عالفاضى .... بدنا عمل
اللى عندو مشروع جاهز ينزلوا هنا علشان يستفيدو الطلاب التانيين ... واكيد ربنا راح يجزيك الخير .....
لانو من كتم علما الجمه الله بلجام من نار يوم القيامة.............
وبارك الله فيكم 0000000

غسل الله قلبك بماء اليقين

واثلج صدرك بسكينه المؤمنين

وبلغك شهر الصائمين...

يعنى لحتى الان ما شفنا ولا واحد نزل مشروعه ولا شفنا اى مشروع تخرج .... كلو كلام فى كلام وشكرا وانا ناوى انزل مشروعى وانا حصلت على امتياز بالمشروع وانا ......
بدنا نشوف المشاريع نازلة ترفرف هنا ... ازهقنا حكى وكلام عالفاضى .... بدنا عمل
اللى عندو مشروع جاهز ينزلوا هنا علشان يستفيدو الطلاب التانيين ... واكيد ربنا راح يجزيك الخير .....
لانو من كتم علما الجمه الله بلجام من نار يوم القيامة.............
وبارك الله فيكم 0000000

غسل الله قلبك بماء اليقين

واثلج صدرك بسكينه المؤمنين

وبلغك شهر الصائمين...









السلام عليكم ورحمة الله وبركاته

:eek: :eek:

بالراحة عليهم شوية أخ كمال :)

هي برضو كرم أخلاق من الأعضاء إنهم ينزلوا مشاريعهم التخرج هون ومو إجباري

مين قالك إنهم ما نزلوا :rolleyes: ،،، وإنو بس حكي في حكي!!

للعلم: هم بينزلوهم بمكان تاني بس هون بينشروا استعدادهم ;)

ومع ذلك ،، اللي بحكي أحسن من اللي ما بيحكي (?)

بنبقى في انتظار مشاريعكم شباب

صلوا على حبيبكم المصطفى

:) :)
:)

السلام عليكم
انا اريد مشروع تخرج لانني سوف اتخرج هدا الفصل ان شاء الله .
والسلام ختام

مرحبا

انا مستعد انزل مشروعي بس

وين بدي انزلو هو ن مكان ما بنكتب رد

يا اخى انا خريجة بس مخلصة الى زمان اوك سلام

الف شكر لكم اخوتي وجزاكم الله الف خير وسهل في دروب الخير خطاكم

مرحبا

انا مستعد انزل مشروعي بس

وين بدي انزلو هو ن مكان ما بنكتب رد




السلام عليكم ورحمة الله وبركاته

أخي الفاضل نعم هون مكان ما بتكتب الرد بتقدر تنزل المشروع ،،، بس إنت ما رح تكتبو كتابة هون ،،، لا ،،، إنت رح تعملو عن طريق الوضع المتطور مو عن طريق الرد السريع ،،، لأنو في الوضع المتطور رح تلاقي هادا الخيار


أرفق ملف في المشاركة (http://www.stqou.com/vb/newattachment.php?t=25223&poststarttime=1253716991&posthash=304399a493ace7f30f5a686ccac62104)


لما تلاقيه اضغط عليه لحتى يفتحلك نافذة جديدة فيها خيارات بتمكنك من رفع وتحميل مشروعك على المنتدى ،،، طبعاً لازم تكون عارف وين إنت مخزنو ،،، ممكن يكون مشروعك عندك على سيدي وبهيك بتحملو من السيدي ،،، أو ممكن يكون عندك عالجهاز على السي أو الدي وبهيك بدك تبحث عنو على هدول الأماكن وتحملو منهم على المنتدى ،،، وخلصت كل القصة ،،، وإزا استمرت عندك المشكلة وما فهمت على شرحي ،،، إرجع واكتب هون رد قول فيه إنك ما فاهم إشي من كلامي لحتى أوضحلك الطريقة بالصور ان شاء الله

يسلمو مقدماً وكل عام وإنت بخير

صلى الله على سيدنا محمد

:)

صباح الخير

بكره ان شاء الله بنزلو

بس لانو من 2007 ونسيت وين مخزن المشروع

السلام عليكم ورحمة الله وبركاته

صباح النور ويا هلا ،،، واحنا بالانتظار ويلا شد حيلك اعرف وين مخزنو

جزاكم الله خيراً ،،، وصلى الله على سيدنا محمد

:)

السلام عليكم ورحمة الله وبركاته
انا تخرجت السنة ، انشاءالله رح انزلو قريبا
مشروعي حوسبة نظام وتصميم موقع الكتروني لمركز بصريات

السلام عليكم والله بعدني ما بدأت في المشروع ولما انهي انشاء الله رح تكونوا اول المستفيدين

اريد نموذج استبيات حول موضوع العوامل المؤثرة على التجارة الالكترونية على المستهلك

والله كان بودي اساعدكم بلمشروع بس لسه مش امبين متى رح انزل المشروع التخرج

:29:بسم الله الرحمن الرحيم
ان شاء الله

تكرمو رح نزودكم ببععض العناوين مشاريع التخرج للفصل الثاني

http://www.2shared.com/file/11523937/b907198d/_-003part2.html

http://www.2shared.com/file/11523935/570978a1/_-003part1.html
فك الضفط بعد تحميل الملفين

السلام عليكم اخوتي الطلبة ،
أود أن أعلمكم أنني طالبة جديدة ، ولكن اتمنى من الله أن نصل لهذه المرحلة ونفيدكم كما تفيدوننا دائما فنحن نجد دعم من الجميع بشكل رائع ونجد كل جديد وكل مقيد لي ولغيري من الطلبة وهذا إن دل على شيء فإنما يدل على مدى التعاون المشترك بين الطلبة والمشرفين في منتدانا الرائع المفيد الذي يعجز اللسان عن وصفه . فشكرا لك من ساهم في انجاح هذا المنتدى .
واتمنى النجاح والتوفيق لي ولكل طالب.

بسم الله الرحمن الرحيم
والله انا لسا سنة اولى

فكرة جيدة وسأقوم بمشاركة زملائي الطلبة وسأطرح مشروعي بأقرب وقت ممكن ان شاء الله خصوصا ان موضوع المشروع الخاص بس موضوع شيق اتمنى ات تتم الإستفادة منه بطريقة صحيحةمع الإحترام لطرح هذه الفكرة

السلام عليكم ورحمة الله وبركاته
الفصل القادم ان شاء الله

السلام عليكم ورحمة الله وبركاته لايوجد مشروع تخرج ليشـكــ وبارك الله فيك ـــرا لك ... لك مني أجمل تحية .

بسم الله الرحمن الرحيم

السلام عليكم ورحمة الله وبركاته
فى البداية أشكرك الكتير على الموضوع المميز والمستفاد لطلاب 0
وبالنسبة اللى ياريت اعمل مشروع تخرج هيتى المطولة 0وباذن الله ساضيف بحث تخرجى لما ربنا يريد ومحتاج دعائكم اللى
وعنجد بشكر اعضاء المنتدى الحلوى لمواضيعهم المميزة والحلوى 0
موفق بإذن الله ... لك مني أجمل تحية .

هلا انا والله خريجه هاد الفصل وبدياكم تساعدوني في مشروع التخرج

انا منزلة مشروع التخرج هذا الفصل وان شاء الله سوف ارسله للمنتدى في نهاية الفصل حتى تتم الاستفادة منه

السلام عليكم انا اتخرجت 2008 وكان المشروع بعنوان اتجاهات المعلمين في استخدام القصة في تحصيل المراحلة الابتدية الدنيا والحمد الله جبت في 85 خير من الله
انا اشتغلتو لحالي بس التحليل الا حصائى مش انا عملتو ويا رب الكل يتخرج ويتوظف مش زي لهسا قاعدة اه وعلى التنزيل والله ما بقدر ني مسحتو من على الجهاز فرمت الجهاز وراح :41:

ان شاء الله راح ابعث المشروح حيث كان المشروع عن اشكال الاسائه الفظيه وغير الفظيه للابناء من قبل الوالدين

السلام عليكم ورحمة الله وبركاته
ان شاء الله برسلكم مشروع تخرجي
وبالتوفيق ان شاء الله

كان مشروعي عن ظاهرة الاجتزاء في القران الكريم
ونجمة الشتاء لا تزعلي وانا مثلك تخرجت وقعدت ومثلنا كثبببببببببببر
وان شاء الله ربنا بفرجها عالجميع

السلام عليكم ورحمة الله وبركاته

فكره كتير حلوه انا ننزل مشاريعنا التخرج حتى يستفيد منها الطلاب لاني بصراحه عانيت كتير في مشروعي بس الحمد لله ربنا وفقني واخدت علامه ممتازه وانشاء بوقت قريب راح انزل مشروعي

انا كان موضوع بحثي هو:دور الالعاب التربوية في زيادة التفاعل الصفي واثره على التحصيل الدراسي لطلاب المرحلة الاساسية
وانا شاء الله بحاول افيدكم باي شي يتعلق بموضوع البحث

يا جماعة مشروعي لسى ما جهز وعم اخذ منكم معلومات لكملوا وانزاوت ساعدوني


عنوانو دور الروضة في زيادة التحصيل لطلاب الصف الاول:53:

عظم الله اجركي اختي اولا يارب احطلكو مشروع غير بأذن الله بس بعد 3سنوات ان شاء الله تعالى موفقين اخواني الي على ابواب التخرج والي بيستنو على امل التخرج

السلام عليكم مشروع تخرجي عن مشكلات الطالبة المراهقة واثرها على التحصيل الدراسي في مدينة الخليل

لما اتخرج بإذن الله بنزلوا تكرموا

مرحبا انا لسه سنة ثانية جامعة ماتخرجت

ان شاء الله بس الفصل هذا بخلص ومشروعي عن حوسبة نظام مكتبة

السلام عليكم انا بشكركم وان شاء الله رايح احط مشروعي
بس كيف بدي احطو في المنتدى
ارجو من المشرف يوضحلي الطريقة
وبارك الله فيكم

وينتا امتحتنات النهائيه

]انا لس ما تخرجت بس انشالله لما اتحرج الفصل الاول السنة الجاي بنزلو ولا يهمك

اكيد الامتحانات صارت في 5/6 ولا شو انا ما كنت بدي تتأجل

:new2: تحياتي للجميع انا مشروعي كان رائع جدا وغريب اول مره يعمل بحت مثله بس انا ما اعرف كيف انزله بامكانكم مساعدتي لتنزيله ما عندي مشكله لاني اخدت فيه 89 ولوحدي عملته

:19: لا الامتحانا ت بلشت والامتحان المكتبي يوم الخميس هاد 27/5

12865

انا مشروعي من وجهة نظري مهم جدا و حديث لانه بمس المجتمع ككل و الاخلاق و ما التدهور فيها و ارجوا ان يستفيد الجميع و انا اخدت فيه 88 و كان عنوانه دور المدارس في تحقيق الامن الخلقي لدى الطلاب من وجهة نظر المعلمين في محافظة قلقيلية



هادا هو في الرد السابق مشروعي :new2:

االسلام عليكم ورحمة الله وبركاته
مشروعي التخرج موجود في الجامعة (جامعة القدس المفتوحة - قلقيلية عند الدكتوريحيى ندي )
انا تخصصي تربية ابتدائية
واسم مشروعي هو اثر استخدام الدراما في تحصيل طلبة المرحلة الاساسية ممن وجهة نظر المعلمين في مدينة قلقيلية
وحصلت على علامة ممتازة فية
اذا استطعت ارسلو ما رح ابخل عليكم
تحياتي للجميع واتمنا لجميع الخريجين التوفيق والنجاااااااااااااااح
سلااااااااااااام

السلام عليكم ورحمة الله وبركاته هذا ملخص بحثي اذا بدكم التفاصيل برسلها في وقت لاحق
ملخص الدراسة
هدفت هذه الدراسة إلى معرفة أثر استخدام أسلوب الدراما في المرحلة الأساسية من وجهة نظر المعلمين في مدينة قلقيلية ، كما هدفت إلى معرفة ما إذا كان لكل من متغيري (الجنس ، المؤهل العلمي ) دور في وجهة نظر معلمي طلبة المرحلة الأساسية نحو استخدام الدراما في تدريسهم لطلبة صفوف المرحلة الأساسية ،وتناولت الدراسة خمسة أبعاد للدلالة على أهمية الدراما في التدريس ودورها في النمو الاجتماعي و النفسي لطلبة وتناولت الدراسة البعد التعليمي والبعد المادي لما لها أثر في نجاح استخدام الدراما في التعليم .
ولتحقيق تلك الأهداف قامت الباحثتين بصياغة ألأسئلة التالية:
☺ما أثر استخدام أسلوب الدراما في المرحلة الأساسية من وجهة نظر المعلمين في مدينة قلقيلية؟
☺هل يوجد لكل من متغيري (الجنس ،والمؤهل العلمي ) دور في أثر استخدام أسلوب الدراما في المرحلة الأساسية من وجهة نظر المعلمين في مدينة قلقيلية؟
ولتحقيق أغراض الدراسة قامت الباحثتان بتصميم استبانه مكونه من (20) فقره موضوعيه ،تم توزيع الاستبانه على (40)معلما ومعلمه من معلمين المرحلة الأساسية في مدينة قلقيلية ،وقد أدخلت البيانات في الحاسوب في المعالجة الإحصائية لفحص فرضيات البحث ، حيث استخدم اختبار (ت)لفحص الفرضيات .




vولقد اظهر التحليل الإحصائي للفرضيات النتائج الآتية :-
?v? أثر استخدام أسلوب الدراما في تحصيل طلبة المرحلة الأساسية في مدينة قلقيلية مرتفعة ،بدلالة النسبة المئوية التي بلغت (75% ) .
?v? عدم وجود فروق ذات دلالة إحصائية من وجهة نظر معلمي المرحلة الأساسية نحو أسلوب الدراما في تدريسهم لطلبة الصفوف الأساسية تعزى المتغيرات (الجنس ،المؤهل العلمي ) .
vوتقدمت الدراسة ببعض التوصيات وكان منها :-
1- يجب تطوير وتحسين المناهج الأساسية الدراسية باستمرار لمواكبة التطور العلمي .
2- مراعاة اتصال الدراما التعليمية بالأهداف التربوية عند اختيارها أو القيام بتصميمها .

السلام عليكم ورحمة الله وبركاته
انا طالبة سنة اولى ما لحقنا ندرس لنفكر بمشروع التخرج
انش الله نعدي هالسنين ع خير ونتخرج

انا بصراحة بدي مين يساعدني ويقولي كيف بقدر انزل المشروع على المنتدى لاني ما بعرف
وشكرا

السلام عليكم:ولكن للاسف أنا لهلأ ما تخرجت باقيلي فصلين وانشاء الله بتخرج, ومش راح اقصر ولا أعز عليكم في مشروع تخرجي لانكم انتو الفضل وانتو الاساس الي احنا بنعتمد عليه بعد الله وبعد الجامعة.ولكن انا امس سالت سؤال عن مشروع التخرج لاني انا نزلت مشروع التخرج اول امس على بوابة الجامعة وثبت التسجيل وما نزلت التربية العملية ولكن سوف انزلها على الفصل الثاني انشاء الله شو النتائج المترتبه على هذا العمل الي انا عملتو وشكرا لكم جميعاااااااااااا.

انا كان مشروع تخرجي حوسبة نظام مكتبة على الفيجوال بيسك وقاعدة بيانات اكسس ...اذا حدا مهتم

السلام عليكم ورحمة الله وبركاتة
معلش علشان ما رديت بسرعة علي الطلب بس والله انا ليه ما فكرت في مشروع التخرج ولسه ما بدا فيها اصلا ولي بعرف شي عنه والله وياريت حد يساعدني ويكتب الي كمان موضوع حلوين انا التخصص تعليم ابتدائي

انا تخرجت ....ومشروعي موجود وجبت فيه 80 بس ما بعرف كيف بدي انزلو على المتتدى

السلام عليكم ورحمة الله وبركاته

أهلا وسهلاً فيكم كلكم ويا رب تتخرجوا على خير وبتفوق باهر كمان ،،، اللهم آمين

بخصوص الأعضاء الكرام اللي اتخرجوا وعندهم مشاريع التخرج لكنهم ما بيعرفوا كيف ينزلوهم على المنتدى

تفضلوا زوروا هالروابط المختارة من دليل المنتدى ورح تفهموا الطريقة ان شاء الله


اضغـــــــــــط هنــــــــــــا (http://www.stqou.com/vb/showthread.php?t=26563)

اضغـــــــــــط هنــــــــــــا (http://www.stqou.com/vb/showthread.php?t=22609)


لا تحرمونا هالمشاريع لأنكم أكتر ناس عانيتوا بوقت المشروع ،،، فحاولوا تمنعوا هالمعاناة عن غيركم من الطلاب وساعدوهم من خلال تنزيل مشاريع تخرجكم هون لحتى يشوفوها ويستفيدوا منها ان شاء الله

جزاكم الله خيراً سلفاً ،،، ويا رب في ميزان حسناتكم ويباركلكم تخرجكم ويرزقكم بأفضل الوظائف ،،، اللهم آمين

صلى الله على سيدنا محمد

انا لسا يا شباب ما خلصت المشروع لما اخلصو انشا الله بنزلو على المنتدى (بشتغل علية)

ان شاء اللة راح انزلو بس لاخلص حل التعينات انا اخدتو الفصل الي فات تخصص ادارة اعمال راح انزلو يمكن حد يستفيد منو بكرا بنزلو بس ممكن حد اساعدني في حل التعين الاحصاء التطبيقي

أختى مايا كنت أود المساهمة بأى عمل يفيد الطلبة ولكنى لست على أبواب التخرج فأنا الأن سنة ثانية الفصل الأول ولن أبخل عليكم بشيء ان شاء الله موفقه بإذن الله ... لكى مني أجمل تحية.

شـكــ وبارك الله فيك ـــرا لك ... لك مني أجمل تحية .

والله كان نفسي بجد انزلهولكم بس اسفة الجهاز عندي اتفرمت وراااااااااااااح انا بجد اسفة

وان كمان ضايلي تقريبا اخرى سنة انشاء الله امطوووووووووووووول

انا اسفة اود اساعديكم . ولكن انا سنة اولى بالجامعه مابعرف كيف يعمل المشروع

السلام عليكم ورحمة الله وبركاته :
ان شاء الله بس أعمل مشروع التخرج بنزله... لسه باقي سنة لأتخرج..
بالتوفيق للجميع..

أخي ahmedali عظم الله أجركم وإن شاء الله آخر الأحزان
مشكرة اخت maya

بدري علينا عالتخرج

السلام عليكم ورحمة الله وبركاته ياجماعة لسا أنا سنة أولى كيف بتحكولي وين مشروعك التخرج

لسا بدرييييييي كتييييييييير بس أكيد لما أصل هاي المرحله أكيد راح نفيدكم ولما أعمل هذا المشروع راح أنزلو انشاءالله شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

بسم الله الرحمن الرحيم
انا لسة سنة ثانية ان شاء الله اصل مشروع التخرج واساهم معكم في الافادة ولكن الان دوركم اتساعدونا مشكورين الف شكر

انشاء الله عند ما اوصل مرحلة التخرج ما بتاخر و لا ثانيه في تقديم المشروع:new2:

انا مش خريجة

انا مش خريج كنت بدي انزل المشروع وبطلت بس انزلة انشاء اللة برسلة على المنتدى

مشكورة مايا على هذه اللفة الجميلة منك
عزيزتي انا مطوله لاتخرج ولما يحين هالوقت أكيد ما رح أبخل على اخوتي وأخواتي بالمنتدى
دمتي بود ^_^

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
ألف مبروك .. لقد سعدت بهذا الخبر
موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

السلام عليكم .....
انا سنه تانيه ولسه ماعملت مشروع التخرج بس اكيده لما اعملو راح نزلو هون حتى يستفيد الكل .
وجزاكم الله كل خير.

مساء الفل للكل بالنسبة للمشروع ما بقدر انزله هلا لانه بعده مو جاهز

مع فائق الاحترام والتقدير للجميع

ودمتم ذخرا للوطن

والله انا لسه هاد الفصل معي المشروع انشاء الله بس اعملو بنزلو

مممممممممممممممممم
لاخلصو وتكرم عيونكم ولووو

بدنا خدمة تحرز بس

بسم الله الرحمن الرحيم
السلام عليكم ورحمة الله وبركاته
ياريت اقدر اساعد لكن انا بدي مساعدة لاني لسة سنة اولى وان شاء الله ربنا يوفقنا ويوفق الجميع يا رب العالمين
لكن اذا قدرت اساعد مش رح اتاخر باذن الله

السلام عليكم ورحمة الله وبركاته

100 هلا بالجميع ... ان شالله الكل يتخرج ويخلص من هالورشة

اللي معهم مشاريعهم التخرج وحابين ينزلوها يا ريت ما يقصروا ويكونوا عند وعدهم

واللي لساتهم جداد وبدهم مساعدة بهالموضوع ... ما تتردوا تطلبوا وتستفسروا عن أي شيء

بس مش بهادا الموضوع ... وإنما بموضوع اسمه :: طلبات الاعضاء :: (http://www.stqou.com/vb/forumdisplay.php?f=210)

جزاكم الله خيراً ... وبالتوفيق ... وصلى الله على سيدنا محمد

السلام عليكم انا بلسنة الربعة و انا محتاج احد بساعدني بالبحث التخرج ادب انكليزي

انا محتاج احد يساعدني في اختيار الموضوع للبحث التخرج

بسم الله الرحمن الرحيم : خابت أمة تأكل مما لاتزرع وتلبس مما لاتصنع...شكرا على التوجيه

ان شاء الله بس نتخرج مع انة لسة ما مبين متي نتخرج ؟؟؟؟؟؟

بخصوص مشروع التخرج الخاص بى ان شاء الله سوف انشره فى المنتدى ان شاء الله على الاكثر غدا وعلى العموم هو بعنوان دور الحكومة فى جدب الاستثمار الاجنبى المباشر الى فلسطين وقد حصلت على تقدير امتياز فيه بحمد الله

السلام عليكم ورحمة الله وبركاته شكرا على طرح مثل هذه المواضيع ولكن انا لم اتخرج انشاءالله الفصل المقبل وانشاء الله سوف اقوم بعرضه وجزيتم خيرا

انا نزلت مشروعي هون بس مش عارفة وين نزل
افيدوني

عظم الله اجركم اخي.....يا ريت في اساعدك.... بس انا لساتني سنة اولى بدري ع هيك شي.

بتمنى لك التوفيق... الله يكون بعونكم.

: Muteْ ويـــن مشــروعك التخــرج؟ ... إذا بتقدر .. نزلـوا هون للطلاب بالمنتدى:22: آكيد بتقصدوني آنآ صح :34: بس آنآ لسآ مآ تخرجت يلآ شآركو آنتو بمشآريع آلتخرج وآنشآلله آنآ بستفيد منكم منشآن آتخرج يلآ آلله يسمع منكم وآتخرج :45: يلآ سلآمآإآإت .. تح ـيآتي:new2:

االسلام عليكم ورحمة الله وبركاته ااناا سنه أولى وأكيد ما عندي مشروع تخرج علشان أنزلو شـكــ وبارك الله فيك ـــرا لك ... لك مني أجمل تحية .

كان بودي انزلو وتستفيدو بس للاسف الفلاش اللي علي المشروع ضاع
بس راح احاول اعيد كتابتو وانزلو

انا لساتني مش خريجة هاد الفصل...اسف اعذروني

مو لحتى اتخرج بالاول بس ان شالله بس اتخرج رح انزله هوووون اكيد استنوا لشهر واحد
وعلى خير ان شا الله

يا ريتني بدي اتخرج والكم الحلوان

السلام عليكم ورحمة الله وبركاته

الي الاخوة في المنتدى بعد انقطاع دام فترة اكثر من سنه عن المنتدى سوف ابعث لكم قريبا نسخه عن مشروع تخرجي املا من الله العلي القدير ان يكون فيه المنفعه والاستفاده لكم

مع الاحترام والتقدير

بسم الله الرحمن الرحيم


السلام عليكم ورحمة الله وبركاته


أعزاءنا الطلبة على أبواب التخرج والذين تخرجوا أيضاً


أسعد الله أوقاتكم بكل خير :)


اسمحوا لي أعزائي أن أطلب من كل عزيز منكم أن يتكرّم على أخوته الطلبة


بطرح بحث (مشروع) تخرجه الخاص به في مجال تخصصه هنا في المنتدى


وخاصة أولئك الذين حصلوا فيه على علامة مميزة أو جيدة


ليتسنى للطبة الحائرين المحتاجين للمساعدة الاطلاع عليها والاستفادة منها إن أمكن


فهذه ستكون صدقة جارية لكم أعزاءنا، تُسهمون من خلالها في إعطاء الطالب


الباحث عن عناوين وأبحاث تخرج معينة بإلقاء نظرة على بحوث


تخرجكم الخاصة والاستفادة منها وأخذ فكرة قد تعينه


في الاهتداء إلى كتابة بحثه الذي قد


يكون عانى الكثير من أجله


وعليه فإننا كلنا أمل بأن نلقى منكم كل الدعم والتعاون بهذا الخصوص


ولا تنسى أخي الخريج الكريم أنكَ عانيتَ كثيراً من أجل بحث


تخرجك فلا تبخل على أخيك الطالب في تقديم المعونة له


في هذا المجال وسيكون لكَ جزيل الأجر


والثواب إن شاء الله


مع أمنياتنا لكم بالتوفيق والنجاح :)











اسئلة امتحانات جغرافيا للتوظيف

مرحباااااااااااااااااا كيف احصل على اجابات امتحان التوظيف التربية الابتدائية ..................ساعدوني بكرا الامتحان

مشروعي على فلاشة مع صاحبي بوعدكم بكرا انزلو هون

السلام عليكم ورحمة اللة وبركاتة

بخصوص مشروع التخرج بتقدر تلاقية في مكتبة الجامعة اذا مستعجل لانة مشروعي مع زوجي وهو مسافر اما ان شاء اللة رح انزلة وهو بعنوان studying the types of affixes in English

لسا ما كتبت المشروع بستنا لحتى نداوم الصيفي علشان اعرف شو الخطة تبعت المشروع بش فكرت باسم المشروع بس

يا اخت امل انا مشروعي اشي بختص بالترجمة

والله انا مش خريجي انا لساتني سني اولى

السلام عليكم ان شاء الله السنة القادمة مثل هذه الايام بكون المشروع نازل على المنتدى بس انتو ادعو لي

يا جماعة مين عنده مشروع تخرج عن تخصص الترجمة

السلام عليكم ورحمة الله وبركاته :
بتمنى أساعدكم بشي.. لكن للأسف لساتني سنة تانية ما بعرف شي بالنسبة للمشروع..

ايش فك الضغط هاد ما عم بزبط

يا جماعة ليش ماحد برد علي الي عنده مشروع تخرج عن الترجمة بتمنا ينزله
بليييييييييييييييييييييييييييييييييييييييييييييييي يييييييييييييييييييييييييييييييييز

السلام عليكم ورحمة الله وبركاته وعليكم السلام ورحمة الله وبركاته لسا مطوت

الله يسمع منك واتخرج بس نشالله بس اعمل مشروع تخرج ما رح ابخل عليكون فيه
موفقين

انا سنه اولى لسه يعني ما ينعز ما في مشروع تخرج شغلتي مطوله

الله يرحمه يا رب
انا ان شاء الله الفصل الاول منزله المشروع
يعني بعدني ما بعرف شو طبيعته كلله

والله يا مايا
انا طالب سنة تانية رياضيات ولسا بدري على التخرج الله يخليكي ويوفقك

انا لسه ضايلي وقت لحتى اتخرج مش هلأ
سوري ماراح أقدر أساعدكم

انا طالبة سنة ثالثة ما انتهيت شكرا

انا حتى الان باقي علي سنة داسية

بسم الله الرحمن الرحيم
انا ماعملت مشروع بس بفكر اني انزاو على السنه الجديده بس حبيت اخذ فكره قبل عمله
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

السلام عليكم ورحمة الله وبركاته
اسف لانقطاعي هاي الفتره عنكم بسبب الظروف

السلام عليكم ورحمة الله وبركاته
لسه بدري علي التخرج ما بقدر أساعد
موفق بإذن الله ... لك مني أجمل تحية .

يا ريت تقدمولنا مشاريعكم بخصوص تخصص الرياضيات

ان شاء الله بانهي الجامعة وبطرح مشروعي التخرج لاخواني الطلبة والله يوفق الجميع

كنت حابة افيدكوا بس انا لسه سنة تانية في الجامعة ما حضرت لهاد الموضوع

بسم الله الرحمن الرحيم
السلام عليكم ورحمة الله وبركاته
مشروع تخصص التربية الابتدائية
بعنوان : دور برنامج المدرسة ووحدة التدريب في النمو المهني للمعلمين
في المرفقات