السلام عليكم ورحمة الله وبركاتة


في البداية كيف حالك أخي .. عساك بتمام الصحة والعافية

بدأ عام جديد وبدأ مجهودك المعهود من جديد ( متابعة ، تقصي ، نقل الخبر ، الإفادة )


فبارك الله بك

سؤالي : أنا من منطقة طولكرم ، هل يجوز لي أن أقدم طلبي في رام الله ، علماً أني سمعت أنه يجب أن

أحمل هوية رام لله كشرط في التقديم .....

ملاحظة : في العام الماضي قدم الكثير من طولكرم في رام الله وتوظف الكثير منهم ...

تحيتي لك .

وعليكم السلام ورحمة الله وبركاته

الحمد لله بخير واتمنى انك تكون بألف خير
اشكرك لكلماتك الطيبة

واهلا بك في العام الجديد من التوظيف

بتقدر اتقدم في رام الله بحال غيرت العنوان بهويتك لرام الله فقط
وطريقة تحويل العنوان،، بتروح على اي منطقة برام الله وبتتفق مع صاحب بيت آجار يكتبلك عقد آجار انك ساكن
وبتروح للبلدية اظن لتختمها وبعدها لوزارة الداخليه او مكتب الهويات لتقوم بتعديل مرفق الهوية

بس ازا ناوي تآيس على تحويل العنوان واتقدم بغير طولكرم،، ما بنصحك برام الله كتير

لانه عالاقل أول فصل رح اتداوم هناك بحال طلعلك نصيب
والآجارات برام الله غاليه

فبشوف متل بعض ناس عملها راحوا على أريحا
منه تغيير العنوان لهناك بكون أسهل ومنه ارخص المعيشة من رام الله
بس رح توكلها من الشوب


وطبعا بس مره وحده بتقدر اتقدم الطلب ولعنوان واحد

بإنتظار اي استفسار،، وبالتوفيق ان شاء الله

شكرا الك اخ هيدماستر ولكن اذا كان الموضوع فيه تغيير هوية وروحات وجيات وغلبة ما بدي

يعني انا قلت الفرصة للغة العربية برام الله أفضل من طولكرم

يعني شو بتنصحني !!!

السلام عليكم ورحمة الله وبركاته
اخ ايهم انا بعرف انه تخصص اللغة العربية ذكور مطلوب لانه قبل فتره قرأت اعلان في الوزارة طالبين تخصص لغة عربية ذكور اصبر شوي وبطلعلك ان شاء الله وكمان انا لغة عربية بس للاسف بدي عشربن سنة لاتوظف
والله يوفق الجميع................

موفق بإذن الله ... لك مني أجمل تحية .

مش بهالسهوله الأمر

حتى ازا اتخطيت تعديل العنوان بعد الغلبة واللي اسهل منطقة بتقدر تغير عنوانك الها هي أريحا

بتيجيك غلبة السكن بحال طلعلك نصيب بالمنطقة اللي حولت الها

وبرضه تقديم طلب الانتقال لمنطقتك الاصلية طولكرم مش بسهوله بتتمشى

فـــاتوكل على الله وقدم بمنطقتك كرأي شخصي

موفق اخ ايهم بس ماتغامر وتنقل للرام الله بنصحك خليك بطولكرم لانو اللغه العربيه ذكور مطلوبه انا للغه عربيه بس ماعندي امل بالوظيفه لانو في كتير اللغه عربيه اناث

السلام عليكم ,,,,,,
احييك اخ هيدماستر , مشتاقون لكم ومجهودكم الغالي في مواكبة كل الاحداث التي تهم الخريجين , أتمنى لكم دوام الصحة والعافية ودمت ذخرا لنا , وأحيي الاخ ايهم واقول : ان تخصص اللغة العربية مطلوب في طولكرم يا اخ ايهم , وان ذهابك الى رام الله سيكلفك الكثير , واتوقع ان توظفك في طولكرم سيكون افضل برأيي , وفي النهاية استشر من له دراية بالموضوع , و ما خاب من استشار , وعقبال الوظيفة اخ ايهم ولكل الخريجين , لاننا بوضع لا نحسد عليه , بالموفقية ان شاء الله.

وعليكم السلام ورحمة الله وبركاته

الله يحيي أصلك أخ ايهابو،، طاب مساؤك وعام موفق ان شاء الله